HRISELNA HNUK-FAINA

 Natna khuma damdawi nena enkawl ngai khawpa natna kan neih hian dam hlutzia kan

hre \hin a, kan natna avangin kan hun hman tawh kan chhui let a, insumna tur kan ngah zia

kan hria a, tih loh tur leh tih tur thar kan hre chhuak uai uai \hin.

Kan dam erawh chuan tam tak hian chuan kan nghilh leh duak a, kan natna chhan chu puh tur ber pawhin keimahni lamah inthiam chawpna tur kan dap hram hram \hin. Hei hi Mizo te zia chauh ni maw? Thianghlimna hi hriselna hnukpui a ni tih hi hre hlei hlui mah ila, nat duh si lo ho hian thianghlim erawh kan peih leh hlawm si lo a nih ber hi. Sum tam tak senga kan natna enkawl

tura damdawiin kan panna chhan ber pawh hi kan thianghlim tawk loh vang hi a ni ber mai e.

Hnam tin hian kan thlahtute lam a\ang hian kalphung bansan hleih theih loh, kan nuna

bet tlat hi kan nei \heuh a. Kawng tam tak erawh hmasawnna hian a hnawt bo ve mek bawk.

Chutiang hunah chuan Mizote pawh hian hnawmhnawk kan cheibawl dan kawngah hian

chuan kawngthar kan zawh mup mup hi a hun tawh viau mai. Tunlai hun thlenga harhna kan

chan a pianga kan lampui dup dup hlate hi hla thluk nem leh pi pute a\anga zopa hrawk nena

inmil hla te kha a ni a, heng hi Mizo kohhran a awm chhung hian chuan a bo hian a rinawm

loh. Mahse kan incheina leh ei leh in kawng hrang hranga khawmual let liama mite tihdan

kan zui dual dual laia kan hnawk erawh kan ze hlui kan la chhawm tir zel chuan hmasawnna

tawngchham takah kan \hu reng ang tih a hlauhawm a ni.

Bawlhhlawh hi bawlhlawh a nihna hre tur hian chhia leh \ha hriatna a nei lova,

bawlhlawh hmu bawlhhlawh a, tibawlhlawh a, mit kham te chu mihring te hi kan ni. Kan mit

khamna chhan chu tunlai khawvel kan thlir vang a ni ber a, mah se bawlhlawh paih kawngah

erawh kan kut hian hmun a zawng uluk leh lem si lo hi kan buaina ber chu niin a lang. Nula

hmelfai tak, bal ngaithei lo zet hian a chuanna motor a\anga bawlhhlawh paih chhuah mai a

hreh lohna chhan chu ‘mi dang pawn an ti ve tho a lawm’ tiin a \an tlat ka ring. Mahse ani

khan paih lo se mi dang paw’n an lo paih lo mai dawn a ni. Chu chuan bawlhlawh senghawi

leh thianghlimna kawngah hian kan pawimawh dan a inchen vek a ni tih kan hriat a ngai a ni.

In mawi tak hnuai hnawmhnawk inchhek luk a\anga natna chuan an kawmtlang lawka

pahmei tukchhuaka inhlawh nun hi a tibuai thei tlat. Nikhat inhlawhna hmu loh ruala zanriah

chhum tura buai nghal thei chhungkaw pa kha a kawmchhakpa tui connection liam avanga tui

tlinga thosi khan malaria a pe thei tlat a. Bazar hmuna chaw kaw puar pawh ei hman lo

khawpa chawhmeh zuartu thianghlim lohna khan Officer pumpui \ha lo a vei tir ve thei tlat a

ni. Chuvangin hriselna a tana kan thianghlimna kawngah hian chuan han chang hniam deuh

tih tur kan vang hle, mi rethei leh hausa thliar hran theih lohna mawhphurhna pawimawh tak

a ni. ‘Midang vangin i tuar thei a, nangmah avangin midang pawhin an tuar thei’ tih hi kan

hriat reng a pawimawh.

Bawlhhlawh a bawma i paih hian sum i khawl tih hi i hre kher em aw? Fai avanga

hlimna min petu te, dam leh hrisel taka kan awm theihna chhan chu bawlhhlawh a bawma

kan paih dap a, thianghlim taka kan vel kan cheibawl hian a ni. Tichuan, damdawi man atana

kan sum hmam tur tam tak kha kan lo save thei ta a, hrisel takin kan mamawh tam tak kan

neih belh thei ngei ang. Bawlhhlawh a bawmah paih la, natna leh hnawk i paih bo anga,

hriselna leh sum i neih belh dawn nia.