Mizo Hnam Thawnthua Hmangaihna leh Hmaithinghawng

Mizo Thawnthu-a Tawntirh Hmangaihna (Love At First Sight) leh Hmaithinghawng (Disguise)

- Denish Lalmalsawma Vuangtu

           

Pipute ‘rochun thawnthute’ hi a chhuah kum chiang takin sawi thei lo mah ila, ama tawkah chuan a hluiin a rei ve veng veng tawh hle mai tih tur chi a awm ve nawk a. Hnam dang thawnthute nen khaikhin aralah chuan a khup ruh erawh a la no hle thung tih erawh chu phat zawh rual a ni lo. Heng kan thawnthute hi ngun taka kan thlir chuan, finthuril pai tak tak te, pipute suangtuahna khawvel leh an nun te chu kan hmu chiang hle awm e. Eng pawh chu ni se, English pachal, khawvel hriat hlawh khawpa lemchan ziak thiam hmingthang William Shakespeare-a’n, a lemchan thawnthua a lo sawi lan fo tawh, ‘Tawntirh Hmangaihna’ (Love At First Sight) lam hi kan Mizo rochun thawnthuahte hian a lo lang ve nual a. A mak angreng hle mai! Chu lam chu han chai zui dawn teh ang.

            William Shakespeare-a kha’n a lemchan comedy lamah ‘tawntirh hmangaihna’ (love at first sight) hi a sawi ri ngun hle a. A sawi satliah lo va, a changtute nunah a thleng fo a ni. ‘Romeo and Juliet’ lemchan thawnthuah kan hmu a. ‘As you like it’ lemchan leh a dangahte pawh a awm nual a ni. A lemchan pakhat, ‘The Merchant of Venice,’-ah chuan, a changtu ber Portia-i hmel\hatna chuan tlangval ‘kei ka ni’ inti chin tawh phawt chu a cho chhuak a nih kha. Count Paletine-a te, French lal upa te, Morocco lal fapa te, Arragon lal fapa leh mi ropui tak tak eng emaw zatin an neih theih nan an r$m huai huai a ni. Mahse, duhthlan theihna b^wm pathumah chuan, chungho chuan vanneina hmel an hmu lo. A hmu leh a dawngtu awm chhun chu, Bassanio-a a ni. A chhan chu, Shakespeare-a kha’n tawntirh hmangaihna hi a dah chungnung hle a tih theih ang. Montforrat ruala Bassanio-a a kal hi a vanneipui hle mai. Portia chuan a lo la theihnghilh lo va, a lo duh ru hle a ni. An chanchin kal zel chu sawi zui tawh lo ila.

            Hetiang chiah chu ni lo mah se, ‘Tlumtea’ thawnthuah chuan nula hmel\ha tak mai a awm a, chu nu chu ‘Vanchungnula’ a ni. Portia-i ang bawka hmeichhe luck hi, star-tu leh a hmaa interview an awm ve nawk mai! Tlumtea unaute (amah nen pasarih) chuan an rim \heuh a. An nau chu a hmel a \ha a ni chek ang chu, an huphurh luatah a naupanna chu hmanruaah hmangin kal ve lo turin an ti hial! Mahse, a u te chu Count Paletine-a leh mi dangte ang bawkin hnawl an ni a. Tlumtea a han inlan chinah chuan ‘love at first sight’ kan tih kha lang chhuakin, an induh tawn ngawih ngawih hle a ni! Hetiang hian pi leh pute thawnthuah kan lo hmu daih tawh a. An vawi khat intawnna chuan inneihna hial a hring chhuak bawk. A ropui hle mai!

            ‘Chawngmawii leh Hrangchhuana’ thawnthuah pawh kan hmu bawk a. Heng mi pahnihte inhmangaihna bul chu, ‘tawntirh hmangaihna’ tho a ni a. An inhmangaihna kawng chhuk chho tak  hi a ‘Romeo and Juliet’ ru ve viau mai. Romeo-a chuan, Capulet-ho kutpuiah mahni inngai pawimawha insawm chungin a tleh lut ve ta ngawt mai a. Chutah chuan a ni Juliet-i a tawn a, a vawi khat hmuhnaah hmangaihna a pian nghal ni. Mahse, chi inang lo leh inhal tak chhungkua a\anga lo zi chhuak an ni a. An tawpna lungrun tak chu thihnain a z^r hnan a ni. Hetiang deuh bawk hian, Chawngmawii leh Hrangchhuana pawh khaw in\henawm te an ni a. Romeo leh Juliet-i te intawnna hmun ang lo takin, Nghafuan v>nnaah an intawng thung a. An vawi khat inhmuhnaah inhmel duhna leh hmangaihna chu a piang chawpchilh ve nghal bawk. Mahse, khaw indo-a inr<n \hin an nihna chuan pawi a thlen ta. Hrangchhuana chu tihhluma ni a, diriam leh cheksawlh takin a ruang chu mual laiah zalh a ni a. Hmeichhe tam takin a ruang an kan sup sup lai pawhin, hmangaihtu Chawngmawii chuan a k^n ve thei tlat lo. A nunnain a tuar a, a thih phah ve bawk. |henkhat chuan, Chawngmawii hian a hmangaih Hrangchhuana lu an khai chu la ruin, a nu leh pate hnenah a pe kir niin an sawi ve thung. Chutiang chuan khaw inhal tak ni \hin chu hmangaihna vangin ‘remna sa-ui’ hial an tan a. Montague leh Capulet te buaina pawh Romeo leh Juliet-i vangin inrem takin an awm phah ve bawk a nih kha.

            A tlangpuiin kan rochun thawnthua ‘Nula leh Tlangval’ inhmangiahna lo langte hi, naupan hunlai ata tawh inkawmngeih tak tak leh puitlin hnua inhmel duh chho ta an ni deuh nawk a. Chutiang bawkin vawi khat intawnnaa induhna leh hmangaihna lo piang ta sawi tur an awm nual bawk a ni. ‘Lianchhiari leh Chawngfianga’ thawnthu a\angin tawntirh hmangaihna kan hmu bawk a. Tin, ‘Chawngvungi leh Sawngkhara’ te, ‘Tumchhingi leh Ralawna’ bakah, ‘Dardini leh Duhmanga’ thawnthu a\ang tein kan hmu leh bawk a ni.

            Amaherawhchu, Shakespeare-a lemchan thawnthu kalsan hla lutuk lo mah se, danglamna eng emaw an nei ve a. Shakepeare-a lemchana tawntirh hmangaihna reng reng chu mi pakhat mai ni lovin mi pahnihte induhna khawvel a ni deuh zel a, kan thawnthua tawntirh hmangaihnaah erawh chuan mi pahnih induh tawnna a ni vek lem lo a ni. Hei hi ‘Chawngvungi leh Sawngkhara’ thawnthu a\ang pawh hian a lang chiang em em a. Sawngkhara nun a\angin vawi khat inhmuhna-a duhna leh hmangaihna a lo pian tak dan kan hmuh rualin, Chawngvungi nunah erawh chuan a tla na lo hle thung. Hmangaihna vanga mitdel chan chang, mahse var ru em em thung si Sawngkhara chuan, Chawngvungi’n a hmangaih ve theih nan ‘Zawlaidi’ a hmang thung a nih kha! Thlirna tlang dang a\anga lo thlirtu tan chuan, nun hi a fair tak tak ngai lo tih kha a  nemnghet hle ta ve ang. Eng pawh ni se, a chhan leh a v^ng chu, A dang chuang lo- tawntirh hmangaihna vang vek a ni.

            Kan pi leh pute kha hun thima chengin an khawvel thlir dan leh an suangtuahnate chu hniam hle angin lang mah se, \awngka-a kan inhlanchhawn zel literature ropui tak hian, an finthuril leh ngaihtuahna chu a chinglet vel m>k zel a. “Hmel a siam \hat theih lo va, nungchang erawh chu a siam \hat theih,” tia an ni tin nuna changvawn paipawn chung si kha’n, hmel\hatna thuruk thlengin an hre leh ang lawi thung a. An khawvel zim takah chuan, an suangtuahnate chu mawlmang angreng tak, fing em em siin zal>n takin a lo leng tawh a ni. Duh tak te nena inhmangaih taka bahra cho pawh thlangtu pipute kha’n, Tlema changkan deuh hnua chanchin \ha hrila lo chuang chhuak, Shakespear-a bak Shakespeare-a chu an hre lo tawp ang. An hriat ve chhun lah chu Mizo\awngin Tarmita an la ti dah dah a. Chutiang a nih lek phei chuan, khawiah ‘Tawntirh Hmangaihna’ chu va hre suh. Mahse, an nunah a bet ve tlat a, hre lo mah se, chu chu an hringnun a ni ve tlat!

            Chutiang bawkin hmaithinghawng, ze inthl^kna nun leh inchei danglamna chu disguise tih hre kher lo mah se, an hmelhriat tlat lawi thung si. |henkhat phei chu Shakespeare-a pian hma thil thleng te a la ni lehnghal. Elizabethan hunlaia lemchan ziaktu lar leh hringnun thlir thiam tak, William Shakespeare-a kha’n, a lemchan \henkhatah disguise hi a hmang thiam hle \hin a nih kha. Hmaithinghawng, ze thl^k, inchei danglamna tiin disguise chu kan sawi thei ang.

            He inchei danglamna av^ng hian Shakesperae-a comedy lemchana hmeichhe \henkhat chuan p^r an lo chhuang tawh a. Kan Mizo thawnthuah pawh hian chu chu kan hmu ta chiah r>ng a. Mahse, hmeichhe lam ni lovin mipate inchei danglamna a ni mah zawk a ni.

            Mizo hmeichhe piang tawh zinga awm herh tak, ‘Chawngchilhi’ thawnthu kan thlir chuan, a ngaihzawng rulpui an tihhlum theih nana hmanrua awmchhun chu ze thl^kna nun leh inchei danglamna a ni a. Chawngchilhi pa chu a fanu thuam inbelin hmeichhe lan dan angin a inchei a. Em hial a phur a ni! Chu chuan rulpuiin a ngaihhai theihna tur kawng chu a sat kua a. ‘Hnehna hlado’ chu Chawngchilhi pa hian chham chhuak kher lo mah se, chhiartuten rilruin kan chham thung. A hlawhtlinna hmanrua erawh disguise a ni!

            Tin, hetiang deuh bawk hian Hrangkhupa chu hmeichhe lemah a chang tih kan hmu bawk a. Chu chuan a hmelma Hawnglaia nu hnukchhah nan kawng a sat eng bawk. Shakespeare-a lemchana ze thlakna nun nen chuan a letling thawk a nih chu! Tawntirh hmangaihna chungchanga kan tarlan tak, Hrangchhuana pawh hmeichhe cheiin a inchei a, a hmelma te nunna a lak zeuh zeuh thu kan hmu bawk a. Mahse, he ze thlakna nun hian thil \ha lo a thlen theih ve tho avangin Hrangchhuana pawhin a pawi khawihna rah chu sengin a thih phah bawk a ni.

            Hetih rual hian kan thawnthute hi hmathlir thui tak tak neite a lo awm ve nawk a. Tunlai huna inchei danglamna leh movie \henkhata kan hmuh, vun thlak emaw, lan dan pangngai thup tura vun dang siam chawp inbel hi an lo hmelhriat ve daih tawh a. A mak tih mai loh chu sawi tur av^ng duh hle mai. Vana awm nula hmel\ha chungchuang tak, ‘Lawnglaii’ thawnthuah chuan a hmel\hat >m avangin, a hmel\hatna chuan thim pawh a kah >ng thei hial a ni awm e. A pasal nu pawhin zan lai laiah eirawngbawl a tum hial a, hmun te pawh a phiat vut vut a ni awm e. A pasal nuin a hriat chinah chuan a lawm hle a ni. Mahse, hemi hma zawng hian Lawnglaii chuan tar vun a inbel thung a. A pasal nu pawhin a duh lo hle tih kan hmu bawk. He hmaithinghawng hi, pipute suangtuahna atan chuan a s^ng hle mai!   

            Hmanlai pi leh pute kha lal neia khawsa an ni a. Lal sual leh lal hrawt hr^t tak tak awm bawk mah se, lal fel leh khua leh tui uap lumtu \hahnem tak an awm ve bawk a. Tin, a ch^ng phei chuan chung lal \henkhatte chuan an khaw \henawmah te ranngo zawngin an feh chhuak fo \hin tih chanchin hlui leh ziaktute lo ziah tawhna kan en chuan kan hmu ang.

            Kan rochun thawnthua lal danglam em em nia lang chu Lersia kha a ni awm e. Mughal lal ropui tak Akbara te pawhin an ram chhunga mi nawlpui nun phungte an hriat theih n^n, mi naran nun anga an nun r<k ch^ng leh an khawsak ch^ng a awm ve ch^wk a. Sa p>l tura vah chhuah ch^ng te pawh an nei fo a ni. Pa mak danglam tak, Lersia nun kha en ta ila, a inchei danglamna chuan thlen in tur hnawng khawpin a siam a nih kha. Mahse, he ‘hmaithinghawng’ hian chhungril nun, mi nawlpui hriat thiam ph^k ve ngai reng reng loh chu a kheh chhuak fo thung a ni tih hi “Liandovate Unau Thawnthua’ Lersia nun a\ang hian a chiang viau mai.

            A ram chhunga mi cheng te’n a mah an hmuh dan leh an nun thlithlai tura a feh chhuak leh a lal kawrfual hlipthla a, hnathawh kawr inbel ngamtu hi pa namai lo tak a ni. He inchei danglamna hian Mizote awm chhunga thawnthu chul tawh lo tur ‘Liandovate Unau,’ harsatna ata khai chhuak turin bul a \ansak a, \hat leh \hat inlawm tawnnain a rah chhuah a lang chiang hle bawk. A n>p lo hle mai!

            Rochun thawnthua ‘tawntirh hmangaihna,’ leh ‘hmathinghawng’ kan tarlan beitham leh famkim lo tak a\ang ringawt pawh hian pipute suangtuahna khawvel chu kan chhuidawn thiam mai awm e.

Eng pawh ni se, inhlanchhawn thu leh hlate hi a tlangpuiin hnam nun nen inzem tlat an ni a. Chutah chuan pipute khawvel chu a inph<m a ni!  Chuvangin pipute nunah kha’n, nula leh tlangvalte inngaihzawnna kalkawngah tawntirh hmel induhna leh hmangaihna kha a lo awm ngei a tih theih ang a, chutiang bawkin inchei danglamna nun te khan an nunah bu a khuar ve a tih theih bawk awm e.

   

 

Lehkhabu Rawnte

 

Laldailova, J.F. (translated). Romeo and Juliet. R. Lalrawna. Aizawl:   2010 (3rd edn). Print.

Lal Rinawma. Thawnthu Un (Mizo Thawnthu). Aizawl: K. L. Offset  Printers. 2013. Print.

Lal Rinawma (edt). Mizo Thawnthu Thlirzauna. Archive Committee.  Aizawl: K.L. Offset Printers. 2014. Print.

Lalruanga, Dr. Mizo Thawnthu Zirzauna. Zomi Book Agency. Aizawl:   2000. Print.

Liandinga, P. L. (translated). The Merchant of Venice. Dika. Aizawl: 2008.  Print.

Zofa, Lalhmachhuana. Mizo Thawnthu Vol-I. Aizawl: Diktawn Press. 2010. Print.

Zofa, Lalhmachhuana. Mizo Thawnthu Vol-II. Aizawl: Diktawn Press.  2014. Print.

Zofa, Lalhmachhuana. Mizo Tahawnthu Vol-III. Aizawl: Diktawn Press.  2014. Print.

Zofa, Lalhmachhuana. Mizo Thawnthu Vol-VI. Aizawl: Diktawn Press.                         2013. Print.